म्हाने यादड़ली सतावै रे ....| Bhajan - 80 | Shri Khatu Shyam Bhajan | Mhane Yaadadli Satave Re ..

(तर्ज- ढोला ढोल मजीरा बाजै रे...)

अस्थाई

म्हाने यादड़ली सतावै रे ।

कठे रहवे म्हारो श्याम धणी, म्हाने पतो बतावे रे ।। टेर ॥

 

अन्तरा

याद करू जब हिचकी आवै, अन्न पाणी ना भावै ।

नैन झरे म्हारो हियो उमडै, ना कोई पतो बतावै ।

म्हे तो काला काग उड़ावाँ रे, कठे रहवे म्हारो.. ॥१॥

 

थारी याद म्हाने ऐसी आवै, रातू नींद न आवै ।

थारै दर्शन किया बिना, म्हारो जीव घणो दुःख पावै ।

म्हे तो आँसूड़ा ढलकावां रे, कठे रहवे म्हारो.. ॥ २ ॥

 

ऐसा कोई उपाय बतावो, श्याम धणी न पाऊँ ।

मन में म्हारे धीर नहीं, कि तेरे द्वारे आऊँ ।

म्हाने बाबा का दरश करा तो रे, कठे रहवे म्हारो.. ॥३॥

 

'भक्त-मण्डल' करे विनती, थाने आणो पड़सी ।

'नटराज' दास है थारो, घणी हाजरी भरसी ।

थारा भक्त सभी हरषावै रे, कठे रहवे म्हारो..॥ ४ ॥