थारी सूरत लागे म्हानै प्यारी जी ... | Bhajan - 35 | Shri Rani Sati Dadi Maa Bhajan | Thaari Surat Lage Mhaane Pyaari ji ...

अस्थाई

थारी सूरत लागे म्हानै प्यारी जी.....

दर्शन ताई नैना तरसे, राणी सती माईजी  ॥टेर॥

अन्तरा

मंदिरये में आया म्हेतो, दर्शन थारा पावा ला,

रोली मोली चावल ल्याया, मैया जी के चढ़ावा ला,

सवा रुपैयो भेंट चढ़ावां, माईजी ॥ दर्शन ताई...

 

कोई चढावे बुंदिया भुजिया, पेड़ा म्हे तो चढ़ावांगा,

मैया जी न चुनड़ी उढाकर, झूम-झूम कर गावां गा,

म्हे थाने पूजा दिल में खुशियां, छायी जी ॥ दर्शन ताई...

 

सावण रो महीनों आयो, हिबड़ो म्हारो माने ना.

कद आवे भादुडी मावस, मनड़ो म्हारो लागै ना.

जास्यां म्हे तो झुंझनू नगर क, माही जी ॥ दर्शन ताई...

 

आश लगाकर बैठ्यां म्हेतो, म्हारे घरां थे आवोला.

टाबरिया उडीक थानें, माँ का दर्शन पावाला,

'भक्त' भी जोवै मैया, थारी बाटडली ॥ दर्शन ताई...