ओल्यूँ आवे जी, ओ दादी थारी ... | Bhajan - 10 | Shri Rani Sati Dadi Vandana || श्री दादी वन्दना || Olyun Aawe Ji O Dadi Thaari ...

ओल्यूँ आवे जी, ओ दादी थारी ओल्यूँ आवे जी,

म्हारी झुंझनूवाली मैया-2, थारी याद सतावे जी ।।

 

कदसु थारी बाट उडिका, इब तो आवो माँ,

भूल हुई के म्हासूं मैया, क्यों दिया बिसराय

म्हारो जिव घणों दु:ख पावे-2, आँख्या भर-भर आवेजी।। ओल्यूँ आवे  .....

 

भक्त घणेरा जग में थारा, झूझनूवाली माँ,

मैं भी थारा टाबर हां माँ, क्यू भूल्या या बात

थारे बिन कुण यो दादीजी-2, म्हाने हिबड़े लगावे जी।। ओल्यूँ आवे  .....

 

भोला-भाला भक्त हाँ मैया, थारो ही आधार

सुनकर थारो नाम दादीजी, आया थारे द्वार,

थारी महिमा अपरमपार है-2, सारो जग बतलावे जी।। ओल्यूँ आवे  .....

 

दयामई माँ नाम है थारो, थे ममता की खान,

नित उठ थारा दर्शन पाँवा, दीज्यो यो वरदान

थारा भक्त घणा ही दादी जी-2, थारी महिमा गावे जी।। ओल्यूँ आवे  .....