तू ने हीरो सो जनम गँवायो ... | Bhajan - 100 | Shri Kaya Bhajan - Bhajan Ka Mahatva | Tune Hiro So Janam Gawayo ...

For Audio Click Here : Tu Ne Heero So Janam Gawayo

दोहा

रात गँवायो सोय कर, दिवस गँवायो खाय ।

हीरा जनम अमोल था, कौड़ी बदले जाय ।।

तू ने हीरो सो जनम गँवायो, 

भजन बिन बावरे ।।टेर।।

कदे न तू सतसंगत कीन्ही, 

कदे न हरि गुण गायो ।

पचि - पचि मरियो बैल की नाही, 

सोय रहयो उठ खायो ||१||

तू ने हीरो सो जनम गँवायो, 

भजन बिन बावरे ।।टेर।।

यो संसार हाट बनिये की, 

जग सौदा ले आयो ।

चतुर माल तो दूनो कीन्हो, 

मूरख मूल गँवायो ।।२।।

तू ने हीरो सो जनम गँवायो, 

भजन बिन बावरे ।।टेर।।

यो संसार फूल सेमर को, 

सूबो देख लुभायो ।

मारी चोंच निकल गई रूई, 

सिर धुनि धुनि पछितायो ||३||

तू ने हीरो सो जनम गँवायो, 

भजन बिन बावरे ।।टेर।।

यो संसार माया को लोभी, 

ममता महल चिनायो ।

कहत “कबीर' सुनो भई साधो, 

हाथ कछु नहीं आयो ।।४।।

तू ने हीरो सो जनम गँवायो, 

भजन बिन बावरे ।।टेर।।