धन्य भाग्य हमारा, दादीजी आया म्हारे आंगणे ... | Bhajan - 40 | Shri Rani Sati Dadi Ji Bhajan | Dhanya Bhagya Hamara Dadiji Aaya Mhare Aangne ....

(राग-मारवाड़ी)

धन्य भाग्य हमारा, दादीजी आया म्हारे आंगणे-२

उठ दर्शन करल्यो, दादीजी आया म्हारै आंगणे | धन्य...

झंझनवाली, मैया थारो महिमा अपरम्पार।

शेरांवाली, मैया थारो, महक रह्यो दरबार ।

ऐसी तो दयालू माँ को, घर घर लेस्यां नाम जी ॥ धन्य भाग्य ...

माथे बिच बोरलो थारै, सिर पर छत्र हजार ।

सिर पर ओढ़ी चूनड़ी जी, गल हीरां को हार।।

चढ़ सिंह देखो आई मैया, कर सोल्हा श्रृंगार जी ॥ धन्य भाग्य ...

छप्पन भोग छत्तीसों मेवा, की थारे भर  मार ।

हिल मिल ज्योत जगावं थारे, लाखों ही नर नार ।

रात जगावै, थारै चंवर डुलावे, कोई मन में हर्ष अपार ॥ धन्य भाग्य ...

सांचे मन से झुंझनू माँ को, जो कोई लेवै नाम ।

दुख विपदा सब दूर करै, और पूरण हो सब काम ।

जन्म-जन्म का संकट काट, नया लगावे पार जी॥ धन्य भाग्य ...

‘भजन मण्डली' दादीजी को, नित ही ध्यान लगावें।

घर-घर जाकर दादोजी का, सबने भजन सुनाये।

साची मैया, झुंझनू वाली, कर सी बेड़ा पार ॥ धन्य भाग्य ...