आंगणिये पधारो जी .... | Bhajan - 8 | Sri Rani Sati Dadi Vandana || श्री दादी वन्दना || Aanganiye Padhaaro Ji O Dadi Mhari ...

For Audio Click Here : Aanganiya Padharo Ji O Maiya

आंगणिये पधारो जी, ओ मइया म्हारे, आंगणिये पधारो जी,

थाने बुलावा, मिलकर ध्यावां, मीठा भजन सुनावां जी।।

 

गंगा जल सूं दादी, थारा चरण धुलास्याँ ।

फूला रे गजरा सूं , थारी झांकी सजास्याँ।

इत्तर व केशर सूं, नुहास्याँ जी,

आंगणिये पधारो जी.... ।।१।।

 

लाल सुरंगी मेहंदी, थारै हाथां रचास्यां ।

साँचे माल की दादी, चूनड़ थानै उढास्यां।

सोलह सिंगार सजास्यां जी,

आंगणिये पधारो जी....।।२।।

 

बुंदियाँ, बरफी, पेड़ा, छप्पन भोग लगास्यां।

सेव, संतरा, केला, सूखा मेवा सजास्यां।

नागरियो पान खुवास्यांजी,

आंगणिये पधारो जी....।।३।।

 

“भक्त” दादी री महिमा, भक्ताँ मिलकर गास्यां।

थानै आज रिझाकर,थारा आशीष पास्यां।

जीवन सफल बणास्यां जी,

आंगणिये पधारा जी..... ।।४।।