बारू महिना म्हाने झूझनूं बुलाती ... | Bhajan - 16 | Shri Rani Sati Dadi Maa Bhajan | Baru Mahina Mhane Jhunjhunu Bulati Rahijye ...

म्हारो छोटो सो परिवार, थांसू विनती बारम्बार,

म्हारे आंगणे में सुख बरसाती रहिज्ये माँ,

बारू महिना म्हाने झूझनूं बुलाती रहिज्ये माँ।

 

थे हो म्हारा म्हे हाँ थारा सारो जग जाने जी,

माँ-बेटा की प्रीत ने या दुनिया पिछानेजी,

म्हारे प्रीत की या रीत निभाती रहिज्ये माँ।

बारु महिना म्हाने....

 

मन्दिरिये में आ के सारी चिन्ता भूल जावां म्हें,

सेवा थारी दादी करते घणो सुख पावां म्हे,

थारे टाबरियां से सेवा तू कराती रहिज्ये माँ।

बारु महिना म्हाने....

 

छोटी सी अर्जी म्हारी मत ना ठुकाराये माँ,

थारे ई 'नवीन' ने तू मत बिसराये माँ,

म्हारे आँखड़ल्याँ री प्यास बुझाती रहिज्ये माँ।

बारु महिने म्हाने.....