म्हारा प्यारा रे गजानन्द आइज्यो ... | Bhajan - 4 | Ganesh Vandana | Mhara Pyaara Re Gajanand Aaijyo ...

(तर्ज : बीरा बेगा बेगा थे तो आईज्यो.....)

म्हारा प्यारा रे गजानन्द आइज्यो,

रिद्ध-सिद्धि न सागै लाइज्यो जी।। म्हारा प्यारा...

थानै सब से पहलां मनावां,

लडुवन को भोग लगावां,

थे मूसे चढ़कर आइज्यो जी ।। म्हारा प्यारा...

माँ पार्वती का प्यारा,

शिव शंकर लाल दुलारा,

थे बाँध पागड़ी आइज्यो जी ।। म्हारा प्यारा...

थे रिद्ध-सिद्ध का दातारी,

थानै ध्यावै दुनिया सारी,

म्हारा अटक्या काज बणाइज्यो जी ।। म्हारा प्यारा...

थारा 'सेवकिया' गुण गावे,

थारे चरणां शीश नवावे,

म्हारी नैया न पार लगाइज्यो जी ।। म्हारा प्यारा...